Hyt am Morgä, äs isch nu Nacht
Hemmer eys mid äm Schiff zum Rütli uifgmacht.
Jedä dänkt, anstatt dr Heimä hockä
wotti hit diä 15 Schuss is Zäntrum rockä
Und jedä gits sich Müäh richtig anä z`hockä.
Probiärd diä richtig Stellig z`gfindä,
i Dluft luägä, äs tuäd nid windä.
De gahts los mit dä erschtä drey
Nach einer Minuitä isch diä Serie scho verbey.
Zeiger chemid und suächid d`Feyfer
sind nid alli drinnä, hani zablet im Eyfer?
I`dr nächschtä Serieä wottis besser machä,
nid z`lang luägä, eppä einisch la krachä.
Wes uisächo isch, chund de schpäter uis,
diä eintä hends guät troffä, bi andärä isch äs ä`Gruis.
Diä wo eppis hend chennä, derfid scho ä chley plagiärä,
diä andärä dänkid, mä set halt meh trainiärä.
Äbä diä andärä – diänd verzellä
ä chley besser schieässä hani de scho wellä.
De wemmer nu echley diskutiärä und zämäsey,
dä Rütlitag isch lang, aber scho gley wieder verbey.
Liäbi Rütlifray und Rütlimaa,
das isch s`letschti Jahr als Rütliobmaa.
Ich darf das Amt am Marco uberträgä,
är hed vo jetzt a dä d`Buochserortgruppä sägä.
Für Zämäarbet wett ich allnä Dankä sägä.
Diänd anand motiviärä und zämäschta,
eychä alt Rütliobmaa
Toni
